NEED A LEADER LIKE A LADDER

நான் கண்ட தலைவனில்
எவனும் உருபடியில்லை
என் வீட்டில் கஞ்சி செய்ய
ஒருபடி அரிசியுமில்லை

முன்னேற ஒருபடியில்லை
இன்னும் ஒருபடி மேலே சென்றால்
எனக்கு உடுத்த ஒரு உருப்படி இல்லை
வேதனையில் வழிந்தோட கண்ணிருமில்லை

சாதி சொல்லி ஔட்டு கேட்டு
நம்மை சந்தடியில் நிற்கவைப்பார்
தற்பெருமை பேசி பேசி
நம்மை தலைகுனிய நிற்க வைப்பார்

தமிழ் தமிழ் என்று சொல்லி - நம்
குரல் வலையை நெறித்து வைப்பார்
தான் தான் தமிழ் காவலர் என
தம்பட்டம் அடித்துக் கொள்வார்

தொலைநோக்கு பார்வையின்றி
திட்டத்தை தீட்டி வைப்பார்
நான் வலை போட்டு தேடினாலும்
ஒரு தொலைநோக்கு தலைவனில்லை