ஊமை மொழி உனக்குண்டு

முன்பு ஒரு வாட்டி
உன் உணர்ச்சியை நான் தட்டி
கையிலே கொடுத்தேன்
தார் சட்டி

இந்த வாட்டி
ஆங்கிலத்தை மூட்டை கட்டி
கழனியை உழுடா
என் தங்ககட்டி

வெளியில் செல்லாதே
விஷயத்தை அறியாதே
குண்டு சட்டியிலே
குதிரையை நீ ஒட்டு

மொழி மொழி மொழி
உனக்கு இதுதான் தனிவழி
திருகுறளை பிறர் கேட்டால்
சொல்ல முடியாமல் விழி

டெல்லிக்கு நான் சென்றால்
மொழி மாற்ற பலருண்டு
டெல்லிக்கு நீ சென்றால்
ஊமை மொழி உனக்குண்டு

அம்மனமாய் திரிந்த நீ
ஆடையை உடுத்துகின்றாய்
ஆஹா
அறிவு வளர்ந்துவிட்டது

இன்று கணிப்பொறியை
கண்ணால் கண்டுவிட்டாய்
நீ கணிதமேதை
ராமானுஜம்தான்

சிறுவட்டத்தில் வாழ்க்கை வாழ
இத்திட்டத்தை தீட்டுகிறேன்
இவ்வட்டத்தை பூச்சியமாக்க
மீண்டும் அரியனை தந்துவிடு